Их Британийн The Sun сэтгүүлд Монголын говиос жижгэтэр онгоцны хэмжээтэй 70 сая орчим жилийн тэртээ амьдарч байсан үлэг гүрвэлийн чулуужсан яс олдсон талаар мэдээллээ. Энэ нь одоогоор дэлхий дахинд ил болоод буй хамгийн том нисдэг амьтанд тооцогдож байна
Үлэг гүрвэлүүдтэй нэгэн цаг үед амьдарч байсан энэ гүрвэлийн яс нь птерозаврын төрөлд багтдаг аж.
Энэхүү гүрвэлийн ясны дэлгэсэн далавч нь л 11 метр орчмын урттай юм. Птерозаврууд нь дулаан цөлөрхөг нутагт амьдарч байсан ч өнөөдрийнх нь шиг хуурай байгаагүй гэж байна.
Нэмэгт уулаас олдсон тэдгээр птерозавруудыг тодорхой төрөлд ангилж чадаагүй ч одоогоор хүзүүний нугалам нь тухайн амьтан аварга том биетэй байсныг гэрчилж байгаа юм.
“Энэ птерозавр аварга хэмжээтэй байгаад маш их гайхсан” хэмээн Токиогийн их сургуулийн палеонтологич Таканобү Цүихижи National Geographic-ийн сэтгүүлч Жон Пикеллд хэлжээ.