Японы Олон Улсын Хамтын Ажиллагааны байгууллага ЖАЙКА Монголын харилцаа холбооны салбарын томоохон төлөөлөл, KDDI групп-ийн охин компани болох Мобиком Корпораци ХХК, Монгол-Японы Хүний нөөцийн хөгжлийн төвтэй хамтран Монголын гарааны бизнесийг дэмжих хөтөлбөрийг хоёр дахь жилдээ хэрэгжүүлнэ.
Энэ сарын 24-нд MonJa2 хөтөлбөрийн нээлтийг зохион байгуулах юм. Оролцогчоор шалгарсан гурван гарааны компани үйл ажиллагаагаа танилцуулна.
ЖАЙКА 2020 оны аравдугаар сараас 2021 оны есдүгээр сар хүртэлх хугацаанд MonJa1 хөтөлбөрийг амжилттай хэрэгжүүлсэн юм. MonJa1 хөтөлбөрт хамрагдсан компаниуд үйл ажиллагаагаа бодитойгоор идэвхжүүлж чаджээ. Тус хөтөлбөрийг үргэлжлүүлэх нь Монголын нийгэм, эдийн засагт үр өгөөжтэй гэж үзсэн тул “MonJa2” хөтөлбөрийг хэрэгжүүлэхээр болсон юм.
Монголын Засгийн газар Дижитал үндэстний бодлогыг эрчимжүүлэх үүднээс төрийн үйлчилгээг цахимжуулах, гар утасны аппликейшн хөгжүүлж буй гарааны компаниудад дэмжлэг үзүүлэхэд анхаарч байна.
Мэдээллийн технологийн салбарт компаниуд идэвхтэй үйл ажиллагаа явуулж байна. Энэ цаг үед ЖАЙКА тус хөтөлбөрөөрөө дамжуулан Тогтвортой хөгжлийн зорилтуудыг хангах шинэлэг бизнес загвар, технологи бий болгож буй стартапуудад хөл дээрээ зогсоход нь дэмжлэг үзүүлнэ. Мөн Монголоос төрөн гарах инновацыг дэлхийд таниулж, Монголын аж үйлдвэрийн тогтвортой хөгжилд хувь нэмрээ оруулахыг зорьжээ.
Цахим нээлт
Хэзээ: Энэ сарын 24-ний өдөр/ Пүрэв гараг 9:30-11:00
Хаана: White Rock Center (Facebook Live Stream-ээр дамжуулна)
Ямар хэл дээр зохион байгуулагдах: Монгол хэл (Япон хэл дээрх хэсгүүд орчуулгатай явагдана)
Нэлтийн хөтөлбөр:
|
Цаг |
Агуулга |
|
09:30-09:50 |
Нээлтийн үг |
|
09:50-10:10 |
Хөтөлбөрийн танилцуулга |
|
10:10-10:40 |
Шалгарсан гурван компанийн танилцуулга илтгэл |
|
10:40-10:55 |
Асуулт хариулт, санал дүгнэлт |
|
10:55-11:00 |
Хаалт |
Хөтөлбөрийн агуулга
|
Хөтөлбөрийн нэр |
MonJa Startup Accelerator Program Batch 2/ MonJa2 Тогтвортой хөгжлийн зорилтуудын хэрэгжилтэд хувь нэмэр оруулж буй мобайл аппликейшн |
|
Зорилго |
Тогтвтортой хөжлийн зорилтуудыг хангахад чиглэсэн шинэлэг бизнес загвар, технологийг бий болгож буй стартапуудыг гаргаж ирэх, дэмжлэг үзүүлэх Сонгон шалгаруулалтад тэнцсэн компанитай ажил үүргийн гэрээ байгуулж, бизнес санаагаа баталгаажуулах боломжоор хангах |
|
Хөтөлбөрийн хуваарь |
Энэ сарын 24 Нээлт 2022 оны 2 сараас 5 сар Дэмжлэг үзүүлэх цогц хөтөлбөр (Үүнд, менторинг, лекц семинар, нэтворкинг, удирдлагад чиглэсэн бизнес кочинг, бусад арга хэмжээ) 2022 оны 5 сар Хөтөлбөрийн тайлангийн арга хэмжээ |
Шалгарсан компанийн ерөнхий мэдээлэл (Нээлтийн арга хэмжээн дээр танилцуулга хийх дарааллаар)
|
Компанийн нэр: 1 |
Femtech Solution |
|
Бизнесийн чиглэл |
Эх хүүхдийн эрүүл мэнд, хүүхэд хөгжлийн аппликейшн |
Үйл ажиллагаа:
Японд хүүхэд өсгөх, эмэгтэйчүүдийн эрүүл мэндийн тусламж үйлчилгээний талаарх мэдээллийг онлайнаар болон аппликейшнээр дамжуулан хялбархан авах боломжтой. Харин Монголд хүүхэд өсгөх болон эх хүүхдийн эрүүл мэндийн чиглэлээр судалгаа шинжилгээнд үндэслэсэн чанартай мэдээллийг ялангуяа монгол хэл дээр олж авахад хүндрэлтэй байдаг. Энэ нь эцэг эхчүүдийг анагаах ухааны үндэслэлгүй хуурамч мэдээлэлд итгэх эрсдэлд хүргэж болзошгүй юм.
Фемтек Солюшн ХХК нь мобайл аппликейшнээр дамжуулан мэдээлэл түгээдэг ба Монгол эцэг эхчүүдийг хүүхэд хүмүүжил, эмэгтэйчүүдийн эрүүл мэндийн талаарх зөв мэдээллээр хангадаг. Мөн хүүхэд өсгөн хүмүүжүүлэх мэдээлэл төдийгүй гар утасны аппликейшнаар дамжуулан хүүхэд хөгжлийн цогц үйлчилгээ авах боломжтойгоос гадна нялх хүүхдийн бүтээгдэхүүний зах зээлийн платформыг ашиглах боломжтой юм.
|
Компанийн нэр: 2 |
Mend |
|
Бизнесийн чиглэл |
Амьдралын хэв маягаас үүдэлтэй өвчнөөс урьдчилан сэргийлэх эрүүл мэндийн аппликейшн |
Үйл ажиллагаа:
Өдгөө дэлхий нийтийг хамарсан цар тахлын улмаас нас барсан хүмүүсийн тоог өдөр бүр мэдээлж байна. Гэсэн ч Азийн дундаж орлоготой орнуудын нийт нас баралтын 80 орчим хувийг зүрх судасны өвчин, хорт хавдар эзэлж байгааг мартаж болохгүй. Амьдралын хэв маягтай холбоотой дөрвөн муу зуршил (тамхи татах, архи уух, хөдөлгөөний дутагдал, эрүүл бус хооллолт) эдгээр өвчний шалтгааны 90 гаруй хувийг эзэлдэг. Гэвч одоогийн эрүүл мэндийн тусламж үйлчилгээ өвчтөнд шинж тэмдэг илэрсэн үед эмчилдэг бөгөөд өвчлөлийн үндсэн шалтгаан болж байгаа амьдралын хэв маягийг сайжруулах тал дээр арга хэмжээ авч чадахгүй байна.
“Мэнд” нь өвчтөний амьдралын хэв маягтай холбоотой мэдээллийг бусад интернэт үйлчилгээтэй хамтран бие даан цуглуулж, дүн шинжилгээ хийх замаар тухайн өвчтөн бүрт тохирсон амьдралын хэв маягийг сайжруулах программ санал болгож буй аппликейшн юм.
|
Компанийн нэр: 3 |
Equity Lab |
|
Бизнесийн чиглэл |
Цахим боловсролын цогц үйлчилгээ |
Үйл ажиллагаа:
Монголын гурван хүн тутмын нэг нь ядуу амьдарч байгаагийн 45 орчим хувийг 25 хүртэлх насны залуучууд эзэлж байна. COVID19-ийн нөлөөлөл ядуу өрхүүдийн эмзэг байдлыг улам хурцатгаж, улс орны ирээдүйг авч явах залууст боловсрол эзэмших боломжгүй нөхцөл байдлыг бий болгож байна.
Equity Lab нь чухамхүү “боловсрол” нь ядуурлыг шийдвэрлэх нэг арга хэрэгсэл гэж үздэг. “Боловсрол” нь залуучуудыг чадавхжуулах, нийгмийн оролцоог хангах хөшүүрэг болж өгдөг. Нийгэмд “боловсрол”-ыг урт хугацаанд, тогтвортой байдлаар суулгаж өгөхийн тулд зөвхөн санхүүжилтээр шийдэх, эсвэл тодорхой нэг боловсролын хөтөлбөрийг нэвтрүүлэх нь хангалтгүй юм. Энэ үүднээс Equity Lab нь цахим платформыг ашигласан боловсролын цогц шийдлийг боловсруулсан. Энэхүү үйлчилгээ нь зөвхөн боловсролын агуулгаар хангаад зогсохгүй залуучуудад дадлага хийх, тэтгэлэгт хамрагдах боломжийг санал болгохын зэрэгцээ ментор байршуулах зэрэг олон нийт, нийгэмтэй харилцах боломжоор хангаснаар хүртээмжтэй боловсролыг түгээдэг.
