Узбекстан улсын Ташкент хотноо болж байгаа 64 буудалт болон зуун буудалт даамын Ази тивийн аварга шалгаруулах тэмцээнээс манай даамчид 17 алтан медаль хүртээд байна.
Энэ удаагийн тивийн АШТ-д манай улсаас 80 хүний бүрэлдэхүүнтэй баг оролцож байгаа юм. Өнөөдрийн байдлаар манай баг тамирчид 17 алт, 21 мөнгө, 23 хүрэл буюу нийт 61 медаль авсан амжилтаар багийн дүнгээр Узбекстан /31+24+22/, Казахстан /19+13+22/-ын дараа гуравдугаар байрт бичигдээд байгаа юм.