Хүн төрөлхтний эв нэгдлийн их наадам болсон Олимпийн наадамд Монгол Улсаа төлөөлөн оролцох баг тамирчдын түрүү өнөөдөр “Чингис хаан” олон улсын нисэх онгоцны буудлаас Бразилыг зорьцгоолоо. Тамирчдын түүчээ болсон боксын шигшээ багийн тамирчдын тоонд Г.Ган-Эрдэнэ /49 кг/, Х.Энх-Амар /52 кг/, Э.Цэндбаатар /56 кг/, Д.Отгондалай /60 кг/, Б.Чинзориг /64 кг/, Б.Түвшинбат /69 кг/ нарын зургаан тамирчин багтаж байна.
Тамирчдыг Монголын боксын холбооны тэргүүн дэд ерөнхийлөгч Э.Бадар-Ууган, үндэсний шигшээ багийн ахлах дасгалжуулагч Д.Батсүрэн, Б.Эрдэнэбаяр, Дорнод аймаг “Талын бүргэд” клубын дасгалжуулагч Ё.Төмөрбатаа, багийн эмч Э.Энхбаяр нар ахлан олимпийг зорилоо.
О.ӨНӨР