Монголын ширээний
теннисний холбооны ерөнхийлөгч асан О.Чулуунбатын нэрэмжит “Mongolia cup-2017”
ширээний теннисний олон улсын тэмцээн энэ сарын 20-22-нд болж байна. Зүүн Азийн
АШТ-ий хүрээнд болж буй тус тэмцээнд Монгол, Хонгконг, Макао, БНСУ, Тайвань, Польш,
Лаос, БНХАУ, ОХУ, Казахстан, БНАСАУ зэрэг 11 орны 93 теннисчин гурван өдөр
өрсөлдөх юм. Тус тэмцээн 16 хүртэлх, 16-гаас дээш насны ангилалд эрэгтэй,
эмэгтэй ганцаарчилсан болон багийн төрлөөр өрнөх аж. Эхний хоёр байрт шалгарсан
баг тамирчид зургадугаар сард болох Азийн АШТ-д өрсөлдөх эрх хүртэх билээ.
Тэмцээн Спортын төв ордны “А” зааланд болж байна.