Яг одоо “Блью Скай” зочид буудалд Монгол дахь АНУ-ын иргэд Ерөнхийлөгчийн сонгуулиа өгч байна. АНУ-ын Элчин сайдын яамнаас өнөөдөр “US Presidential Election Watch 2016” арга хэмжээг зохион байгуулж буй бөгөөд энэ үеэр тус албан бус санал хураалтыг авч байгаа аж. Албан бус санал хураалтыг Монголын талаас 150 гаруй хүн ажиглаж байгаа юм байна. Энэ нь АНУ-ын Ерөнхийлөгчийн сонгуулийн үйл явцыг Монголын улс төр, бизнесийнхэн, хэвлэл мэдээллийнхэнд танилцуулах зорилготой аж.
