Засгийн газраас энэ оны хоёрдугаар сарын 14-нд олон улсад нээлттэй улс болсноо албан ёсоор зарлаж, хилээ нээсэн. “Шинэ сэргэлтийн бодлого”-ын хүрээнд эдийн засгийн нөхцөл байдлыг богино хугацаанд сэргээж, голлох салбарын нэг аялал жуулчлалыг эрчимтэй сэргээх бодлого, үйл ажиллагааг үе шаттай хэрэгжүүлж эхлээд буй юм.
Монгол Улсын Засгийн газар, Монгол Улсын Ерөнхий сайд Л.Оюун-Эрдэнэ аялал жуулчлалын салбарыг хөгжүүлэхэд тулгамдаж буй асуудлыг шуурхай шийдвэрлэж, эдийн засгийн өгөөжийг нэмэгдүүлэхэд онцгойлон анхаарч ажиллаж байгаа билээ. Үүний үр дүнд Монгол Улс гадаадын хөрөнгө оруулагч, жуулчдад нээлттэй 49 орны нэг болсон байна.
Байгаль орчин, аялал жуулалчлын яамнаас мэдээлснээр, долдугаар сарын 18-ны байдлаар манай улсад нийт 96536 жуулчин аялжээ. Үүнээс ОХУ-аас 45425, БНСУ-аас 14282, Казакстан улсаас 10368 жуулчин тус тус ирсэн байна.