Өнгөрсөн онд Монголбанк алт олборлогч иргэн, аж ахуй нэгжээс 13 тонн алт худалдан авч валютын цэвэр нөөцийг 396 сая ам доллараар нэмэгдүүлж байсан. Харин энэ жил 20 тонн алт худалдан авахаар төлөвлөжээ. Хагас жилийн байдлаар нийт 6.5 тонн алт худалдан авсан бөгөөд өмнөх оны мөн үетэй харьцуулахад 72 хувиар өсчээ.
Өнгөрсөн жил урт нэртэй хуульд өөрчлөлт оруулснаар 200 гаруй компаний гацаанд ороод байсан лиценз сэргэснээр Монголбанкинд тушаах алтны хэмжээ өссөн байна. Нөгөө талд алтны ханш он гарсаар 27 хувиар өссөн нь алт тушаалтад эерэгээр нөлөөлж байна. Өнөөдрийн байдлаар олон улсын зах зээл дээр алтны ханш 1336 ам.доллар байна.
О.ӨНӨР