Өчигдөр буюу хоёрдугаар сарын 7-ны 15 цагт Монгол Улсын баг тамирчдын туг өргөх ёслолыг “Пёнчан тамирчдын тосгон”-д зохион байгуулжээ.
Ёслолд Монголын баг тамирчид, хүндэт зочдоор дагалдах зочдын хамт ОУОХ-ны хүндэт гишүүн, Монгол Улсын Соёлын гавьяат зүтгэлтэн Ш.Магван болон Монгол улсаас БНСУ-д суугаа Онц бөгөөд Бүрэн эрхт Элчин сайд Б.Ганболд тэргүүтэй дипломат ажилтнууд оролцон хүндэтгэл үзүүлэв.
“Пёнчан-2018” өвлийн XXIII олимпийн наадмын тамирчдын тосгон хоёрдугаар сарын 1-ний өдөр албан ёсоор нээлтээ хийсэн юм. Олимпод оролцогч орон тус бүр тамирчдын тосгонд туг өргөх ёслолыг зохион байгуулдаг уламжлалтай бөгөөд энэ өдөр Ямайк, Бразил, Рум, Белги улс тугаа өргөсөн байна.