Швейцарийн Женев хотноо болж буй Дэлхийн хөрөнгө оруулагчдын чуулган хоер дахь өдрөө үргэлжилж байна.
Чуулганы хоер дахь өдрийн нэгдсэн хуралдаанд Монгол Улсын Ерөнхийлөгч Х.Баттулга “Global leaders investment summit”-д индрээс үг хэлэв.
Тэрээр хэлсэн үгэндээ “Монгол Улс Тогтвортой хөгжлийн үзэл баримтлал-2030″ бодлогын баримт бичгийг 2016 онд баталсан. Аж үйлдвэрийн шинэ хувьсгалтай холбоотойгоор хөгжингүй болон хөгжиж буй орнуудын дунд бий болж буй технологийн дэвшлийн ялгаа нь Монгол зэрэг хөгжиж буй, далайд гарцгүй орнуудын хувьд тогтвортой хөгжлийг хангах, Даян дэлхийн тогтвортой хөгжлийн хөтөлбөр 2030-д тусгагдсан зорилтуудыг хэрэгжүүлэхэд томоохон сорилт болж байгааг онцгойлон дурдахын хүсч байна” гэлээ.
Дэлхийн удирдагчдын хөрөнгө оруулалтын дээд хэмжээний уулзалтыг BBC агентлагийн хөтлөгч Ниша Пилла хөтлөн явуулж, хоер том хөрш орны дунд байдаг Монгол Улс эдийн засаг хөрөнгө оруулалтын талаар асуулт асуув.
Монгол Улсын Ерөнхийлөгч өөрийн орны газарзүйн байрлал нь зарим талаар давуу тал ч болдог гээд сэргээгдэх эрчим хүчний нөөцөөр дэлхийд эхний аравт багтдаг гээд Азийн супер сүлжээ төслийг хэрэгжүүлэх санаачилга гаргаад түнш орнууддаа санал хүргүүлээд байгаа хэмээлээ.