“Монгол шуудан” ТӨХК-ийн 100 гаруй ажилчид өнөө өглөө ТӨХ-ны гадаа жагсав. Тэд компанийнхаа захирал Ц.Батсайханыг хууль бусаар ажлаас нь халсан гэж эсэргүүцэж байгаа юм. “Монгол шуудан”-гийн ажилчид өнгөрсөн долоо хоногийн баасан гаригт өгсөн шаардлагынхаа хариуг авахаар жагсчээ. Мөн дахин шаардлага хүргүүлэхээр ТӨХ-ны гадаа цугласан ч ТӨХ-ны дарга нь ирээгүй гэх шалтгаанаар шаардлагаа гардуулаагүй байна. Ажилчид өнөөдөр ажлын байрандаа сануулах ажил хаялт хийх юм байна. Тэд компанийнхаа ТУЗ-д хууль бус шийдвэрээ эргэн харах шаардлага хүргүүлэх аж.