Завханы Политехникийн коллежийн багш Г.Пүрэв,
мужааны ангийн оюутан О.Наранбаатар нар ОХУ-ын Казань хотод 2019 онд
болох болох дэлхийн ур чадвар уралдааны мужааны төрөлд оролцох эрх авчээ.
ОХУ-ын Казань хотод болох дэлхийн ур чадвар
уралдааны мужааны төрөлд оролцох эрхийг олгох “Монгол ур чадвар-2018” улсын
уралдаан болж нийт 19 сургуулийн 27 суралцагч өрсөлдсөн байна.
Уралдааныг Абу-Дабид болсон дэлхийн ур чадвар 2017 экспертээр оролцсон шүүгчид
шүүсэн бөгөөд уралдааны оноог мянганы нарийвчлалаар хэмжжээ. О.Наранбаатар
улсын уралдаанд дэлхийн жишигт нийцсэн 3D шат ванданг 9 цагт амжуулах даалгавар
авч хугацаандаа амжилттай гүйцэтгэжээ. Тэрээр өмнө нь “Монгол ур чадвар-2017”
улсын уралдаанд хоёрдугаар байранд орж байсан туршлагатай юм байна.
Дашрамд дуулгахад Завханы Политехникийн коллежийн мужааны ангид 21 хүүхэд
суралцаж байгаа бөгөөд мэргэжлийн ур чадварт маш сайн туршлагажиж суралцаж
байгаа талаарх мэдээллийг Завханы Политехникийн коллежийн багш Г.Пүрэв өглөө.