Орос Монголын дрифтийн халз тулаан энэ сарын 27-нд ОХУ-ын Эрхүү хотноо болох гэж байна.
Тулаанд ОХУ-ын Буриад, Эрхүүгээс 40 гаруй тамирчин оролцох бол Монголын талаас шилдэг найман тамирчин өрсөлдөх юм.
Хэдийгээр манайхаас наймхан тамирчин оролцож байгаа ч зохион байгуулагчид Монголын “Дрифтийн хаан” Д.Зоригтсайханаас эмээж байгаагаа дурдсан байна.
Тэмцээний талаар гарсан зарлал, самбар, сурталчилгааны хуудсан дээр Монголын “Дрифтийн хаан Эрхүүд ирлээ” хэмээн бичиж байгаа аж.