Энэ
сарын 30, 31-нд Америкийн Кентакки мужийн Лэксинтон хотод морин
уралдааны “Breeders cup 2015” дэлхийн аварга шалгаруулах тэмцээн болох
гэж байна.
1984 оноос
гараагаа эхэлсэн “Breeders cup” тэмцээнд зөвхөн урьдчилсан уралдаанаас
шалгарсан морьд л оролцох эрхээ авдаг. Монгол Улсын алдарт уяач
Э.Ганбатын уяа сойлгыг нь тааруулсан, “Макс”-ын Д.Ганбаатарын “Mongolian
Saturday” морь анх удаа “Breeders cup”-т оролцох эрхээ авч дэлхийн
хэмжээнд уралдах болсон нь Монгол морин уяачдын спортын түүхэнд тодоор
бичигдэх үйл явдал болж байна.
“Mongolian
Saturday” энэ тэмцээний зүлэгний спринт төрөлд уралдах юм. Алдарт
“Keenland”-ын дуудлага худалдаанаас “Mongolian Saturday”-г дааган насанд
нь тод манлай уяач Д.Онон, алдарт уяач Э.Ганбат нар шинжиж авч байжээ.
Энэ хурдан хүлэг
2015 онд 7 томоохон тэмцээнд уралдахдаа 2 удаа түрүүлж, 3 удаа аман
хүзүүдэж, 2 удаа гурвалсан амжилтаар “Breeders cup” тэмцээн оролцох
эрхээ авсан юм.