Монгол эрдэмтэд PCR оношлуур бүтээж эхэлсэн талаар Эрүүл мэндийн сайд С.Энхболд мэдээллээ.
Тэрээр цахим хуудастаа “Чорос онош лабораторийн эрдэмтэд старт-ап компани байгуулан коронавирусний халдварыг оношлох PCR оношлуурыг бүтээлээ. Ийнхүү Монголд шүлсний болон үндсэн оношлууруудыг үйлдвэрлэж байна.
ЭМЯ-наас бүхий л бололцоогоороо дэмжин ажиллаж, яам анхны 10 мянган ширхэг оношлуурыг худалдан авах боллоо. Цаашид ч эмнэлгүүд маань захиалж хэрэглээнд өргөн нэвтрэх боломжтой болжээ.
Тус лабораторийн эрдэмтэдтэйгээ хамтран коронавирусийн мутац хувилбаруудыг дотоодын PCR оношлуур дээр суурилан ялган оношлоход нэг алхам ойртож байна” гэв.
