Маргааш Бразилийн Сан Пауло хотноо Монгол болон Бразилийн шилдэг жүдочдын хооронд нөхөрсөг тэмцээн болох юм байна. Уг халз барилдаанд хоёр улсаас тус бүр таван тамирчин оролцох ажээ.
Тухайлбал эмэгтэй 48 кг-ын жинд залуучуудын ДАШТ-ий хүрэл медальт ОУХМ Ганбаатарын Наранцэцэг олимпийн аварга Бразилийн Сара Менезестэй хүч үзэх бол -70 кг-д Мөнхбатын Даваасүрэн, Америк тивийн алт, мөнгө, хүрэл медальт Мария Портелатай барилдах гэнэ. Мөн +78 кг-д ОУХМ Эрдэнэбилэгийн Гандиймаа, Рочеле Нунестэй хүч үзэх юм байна.
Харин эрэгтэй 73 кг-ийн жинд ОУХМ Наранхүүгийн Хадбаатар Бразилийн Алекс Помботой, 81 кг-д Э.Мөнхжаргал Виктор Пиналбертай тус тус халз барилдаан хийх юм байна. Тамирчдыг шигшээ багийн дасгалжуулагч ОУХМ Гантөмөрийн Дашдаваа удирдан яваа аж. 