“Miss Universe Mongolia 2019” тэмцээн “UB palace”-ийн их танхимд өнөөдөр /2019.09.20/ тэргүүн миссээ тодрууллаа. Тэмцээнд 50 гаруй үзэсгэлэнтэй бүсгүйчүүд өрсөлдсөнөөс мисс Б.Гүнзаяа тэргүүн миссийн эзэн боллоо. “Miss Universe Mongolia 2019” тэмцээний хоёрдугаар байрт мисс И.Төгсөө, гуравдугаар байрт мисс Г.Дүүрэнжаргал нар тодорлоо. “Miss Universe Mongolia 2019” тэмцээний тэргүүн мисс Б.Гүнзаяа нь Дэлхийн 90 гаруй орны миссүүдтэй өрсөлдөх “Miss Universe” тэмцээнд оролцох эрхтэй болж байна. Үндэсний ялагчийг тодруулах шүүгчдийн бүрэлдэхүүнд “Miss universe 2018” тэмцээний тэргүүн мисс Д.Долгион, топ модель Г.Уранцэцэг, загвар өмсөгч Э.Энхболд, жүжигчин А.Гэрэлцэцэг нар ажилласан юм. Сүүлийн шатанд шилдэг зургаан бүсгүй Англи хэлний мэдлэгээрээ өрсөлдөж, тэргүүн миссээ ийнхүү тодруулав. Тус тэмцээнийг “Стар” телевиз шууд дамжуулан үзүүллээ.