Милуаки Баксын Визконсин аринад Хьюстон Рокетсчууд зочлон ирлээ. Тоглолт эхнээсээ өрсөлдөөнтэй, хурдтай явагдаж эхний үед 24-22-ийн харьцаатай Хьюстон Рокетсчууд илүүрхэв. Хоёрдугаар үед пуужингууд эсрэг багаасаа арван оноо илүү авч эхний хагасыг 12 онооны илүүрхлээр дуусгасан юм. Харин гурав, дөрөвдүгээр үед хоёр баг тэнцүү өрсөлдлөө. Тоглолтод 110-99-ийн харьцаатай Хьюстон Рокетс хожив.
Милуаки Баксын хожигдсон шалтгааныг дурьдвал
Хоёр багийн сэлгээний багуудын чадал, чансаа зөрүүтэй байсан нь хоёрдугаар үеийн онооны харьцаа харуулж байна. Мөн сэлгээний холбогчид болох Мэть Дэливадова, Малколм Брогдон нарын орон зай дутагдаж байлаа. Холбогчын байрлалд Крис Полыг тоглолтноос гаргах чадамжтай тоглогчид нь тоглоогүй харин Эрик Блэдсогийн довтолгооны хувь тааруу байж тусыг эс хүргэв. Бугануудаас дөрөвдүгээр үед тоглолтыг нуруун дээрээ үүрэх ганц хүн нь Гианнис Антэтокумпо л байна. Ачааллыг нь үүрэлцэх тоглогчид нь хангалттай тоглож чадахгүй байгаа нь Жэйсон Кидээс хойш учираа олоогүй явааг харуулж байна гэж зарим аналистууд үзэж байна.
Тоглолтын статистик үзүүлэлт
Оноо
Бакс-Гианнис Антэтокумпо -30
Рокетс-Жэймс Хардэн-26
Самбараас бөмбөг авалт
Бакс-Крис Миддлэтон-12
Рокетс-Клинт Капэло-8
Оновчтой дамжуулалт
Бакс- Крис Миддлэтон-5
Рокетс-Крис Пол-11
Хаалт
Бакс-Гианнис Антэтокумпо-2
Рокетс-таван тоглогч нэг хаалт
Бөмбөг таслалт
Бакс- Крис Миддлэтон-3
Рокетс- Жэймс Хардэн-4
Б.АМАРТҮВШИН