Мазаалай хамгаалах үйлсэд бүх нийтийн оролцоог хангах зорилго бүхий “Мазаалай цом 2017” бартаат замын авто спортын холбооны цомын аварга шалгаруулах тэмцээн ирэх сарын 03-04-нд болно.
Морингийн даваанд гурав дахь жилдээ зохион байгуулж буй энэхүү тэмцээн дөрвөн төрлөөр болох юм. Тэмцээний эхний өдөр сонирхогчийн ангилал буюу ТR1 болон utv ангилалын уралдаан болно. Харин хоёр дахь өдөр Мэргэжлийн ангилал буюу ТR3, Truck ангилал буюу том оврын автомашины уралдаан болох аж.
Тэмцээний ерөнхий ивээн тэтгэгчээр “Sunshine village” хотхон, “Ardeca Lubricants”, “Татах Хүч Моторс” компани оролцож байна. Мөн “Зөв Монгол” ТББ болон ЦЕГ хамтран зохион байгуулах юм.