ОУВС-гийн Өргөтгөсөн санхүүжилтийн хөтөлбөрт хамрагдахын тулд Засгийн газар 2017 оны төсөвт тодотгол хийсэн. Үүний дагуу 7 төрлийн татвар нэмэхээр болсон юм. Эдгээр татваруудын зарим нь тавдугаар сарын 1-нээс буюу маргаашнаас эхлэн хэрэгжих гэж байна. Хэдийгээр зарим татварын хугацааг хойшлуулах асуудлыг бизнес эрхлэгчид болон УИХ дахь АН-ын зүгээс тавьж буй ч тодорхой шийдгүй байгаа юм. Маргаашаас эхэлж дараахь татварууд нэмэгдэнэ.
Хадгаламжийн хүүгийн орлого: таван хувийн татвар ногдуулна
Импортын тамхи: гаалийн албан татварыг 30 хувьд хүргэнэ.
Автомашины онцгой албан татвар: Хос тэжээлт автомашин, шингэрүүлсэн хийгээр ажилладаг автомашин, цахилгаан тэжээлт автомашины онцгой албан татварыг 100 хувь хөнгөлж байсан бол маргаашаас 50 хувиар хөнгөлнө. Ингэхдээ үйлдвэрлэсэн оноос хойших хугацаа болон хөдөлгүүрийн багтаамжаас хамаарч хөнгөлөх юм байна.