Маргааш буюу энэ сарын 29-нд бүх нийтийн амралтын өдөр тохиож байгаа билээ. Нийтээр тэмдэглэх баярын өдрүүдийн тухай хуульд энэ өдрийг Үндэсний эрх чөлөө, тусгаар тогтнолоо сэргээсний баярын өдөр болгосон. Иймээс маргаашнаас эхлэн дөрөв хоног дугаарын хязгаарлалт үйлчлэхгүй юм байна. Харин Засгийн газрын ээлжит хуралдаанаар Нийтээр тэмдэглэх баярын өдрийн холбогдох хуулийн заалтыг үндэслэн энэ сарын 30-ны баасан гаригийн ажлын өдрийг ирэх оны нэгдүгээр сарын 7-ны бямба гаригийн амралтын өдөрт шилжүүлсэн. Иймд баасан гарагт ч дугаарын хязгаарлалт үйлчлэхгүй. Ингээд энэ сарын 29, 30, 31, ирэх сарын 1-н гээд дөрвөн өдөр дугаарын хязгаарлалт үйлчлэхгүй болж байгаа юм.