Энэ сарын 25-нд “Гамшгаас хамгаалах иж бүрэн сургууль” зохион байгуулах гэж буйтай холбогдуулан зам хааж байгаа билээ. Тодруулбал, тухайн өдөр өглөөний 07:00-10:00 цагийн хооронд нийслэлийн хэмжээнд автозамын хөдөлгөөнийг бүрэн хаах юм. Иймд энэ өдөр өглөөний гадаад, дотоодын нислэгийн тасалбар худалдаж авсан иргэдийг цагаа тооцоолж, онгоцноосоо хоцрохгүй байхыг анхааруулсан. Мөн Нийслэлийн Засаг даргын захирамжаар дөрөвдүгээр сарын 24-26-ны өдрүүдэд нийслэлийн нутаг дэвсгэрт архи, согтууруулах ундаа худалдах, түүгээр үйлчлэхийг хориглосон байгаа юм.