ОХУ-ын коронавирусийн “Спутник V” вакцины 10 мянган тунг маргааш хүлээн авна хэмээн Эрүүл мэндийн яамны ахлах шинжээч Д.Нарангэрэл мэдээллээ.
Монгол улсын Эрүүл мэндийн яам ОХУ-ын коронавирусийн “Спутник V” вакциныг бүртгэж, манай улс уг вакциныг хэрэглэх зөвшөөрөлтэй 23 дахь орон болсон.
Ингэснээр цаашид иргэдэд дөрвөн төрлийн вакцинаас сонгон хийлгэх боломж бүрдэж байгаа юм.
“Спутник V” вакцин нь өндөр үр дүнтэй, аюулгүй болохыг баталсан эмнэлзүйн гурав дахь үе шатны туршилтын үр дүнгийн талаарх тайланг олон улсын анагаах ухааны “The Lancet” сэтгүүл хоёрдугаар сарын 2-нд нийтэлсэн юм.