Ардчилсан намын Үндэсний зөвлөлдөх хорооны хуралдаан маргааш болно. Уг хуралдаанаар Ардчилсан намын шинэчлэлийн асуудал голлож хэлэлцэгдэх юм байна. Ингэхдээ намын дүрмийн шинэчлэлийг Үндэсний зөвлөлдөх хорооны гишүүдээр хэлэлцүүлнэ гэх мэдээлэл байгаа юм.
2016 оны УИХ-ын сонгуульд Ардчилсан нам ялагдаж, УИХ-д есөн суудалтай болсон. Сонгуульд ялагдсаны хариуцлагыг намын дарга З.Энхболд хүлээж, албан тушаалаасаа чөлөөлөгдөх шийдвэрийг гарган, УИХ-ын гишүүн Д.Эрдэнэбатыг Ардчилсан намын даргын түр орлон гүйцэтгэгчээр томилсон.
Энэ удаагийн Үндэсний зөвлөлдөх хорооноос Ардчилсан намын Их хурлын товыг гаргаж, улмаар намын даргаа сонгох юм байна. Намын даргыг сонгосноор Ерөнхий нарийн бичгийн даргыг санал болгон, сонгоно.