Өнөө жил улсын хэмжээнд 394.6 мянган тонн га-д үр тариа, үүнээс 3604.0 мянган га-д улаанбуудай, 18.6 мянган га-д төмс, 9.6 мянган га-д хүнсний ногоо, 61.1 мянган га-д тосны, 52.7 мянга га-д тэжээлийн ургамал, нийтдээ 536.6 мянган га-д тариалалт хийсэн юм. Тэгвэл энэ жилийн ургац хураалтын нэгдсэн дүн мэдээг Хүнс, хөдөө аж ахуй, хөнгөн үйлдвэрийн яамнаас тодрууллаа. Манай улс 2020 оны ургац хураалтын дүнгээр нийтдээ 408.1 мянган тонн улаанбуудай хураан авчээ. Мөн 240.5 мянган тонн төмс, 113.5 мянган тонн хүнсний ногоо, 21.2 мянган тонн тосны ургамал, 169.4 мянган тонн тэжээлийн ургамал тус тус хураан авч, гурил үйлдвэрлэлд 238.6 мянган тонн буудай нийлүүлэгдээд байна. Үүнийг өнгөрсөн оны ургац хураалтын дүнтэй харьцуулахад үр тариа 4.1 мянган тонноор,төмс 49.7 мянган тонноор, хүнсний ногоо 18.9 мянган тонноор, тэжээлийн ургамал 49.8 мянган тонноор тус тус ахиу байна гэдгийг Хүнс, хөдөө аж ахуй хөнгөн үйлдвэрийн яамнаас мэдээлж байна.