Монголын сагсчин охид олимпийн наадмын гурав дахь тоглолтоо талбайн эзэн Японы эсрэг хийлээ.
Азийн наадмын мөнгөн медальт хүчтэй багийн эсрэг манай охид чамлахааргүй өрсөлдөж, 19:10-аар дийлдэв. Манайхан багаараа жигд тоглосон бөгөөд Б.Солонго, Э.Чимэддолгор нар гурван оноо авсан бол О.Хулан, М.Цэрэнлхам нар тус бүр хоёр оноо нэмэрлэв.
Япончууд самбараас олон авч, илүү олон довтолсон нь хожлын шалтгаан байлаа. Одоо манай охид хэдэн цаг амарч байгаад 13.00 цагаас энэ тэмцээнд нэг ч хожигдоогүй байгаа ОХУ-ын эсрэг тоглох болно.