Эрх баригч намын доторх үл ойлголцол нийгэмд ил цагаан боллоо. Сонгуулийн жил ойртсоныг ч хэлэх үү, эрх мэдлийн төлөөх тэмцэл улам хурцдах нь ойлгомжтой. Сая гэхэд ногоон автобусны асуудлаар хэд хэдэн хүнийг “золигт” гаргачихлаа. Улс төрийн оролцоотой хэрэг болохоор цаашид олон хүн чирэгдэх нь тодорхой байна. Ерөнхий сайдын зүгээс авлигад идэгдсэн хотыг цэвэрлэж, булан тохойг нь юу ч үгүй шүүрдэж цэвэрлэнэ гэдгээ дориухан мэдэгдэнэ лээ. Тиймдээ ч Д.Сумъяабазар, Ж.Сүхбаатар нарыг огцруулсан нь нийгэмд гэрэл асаасан үйл явдал болов. Хэдийгээр тэд ногоон автобусны хэрэгт өөрсдийгөө хамааралгүй гэж байгаа ч ёс зүйн хариуцлага хүлээсэн нь улс төрд сайн жишиг тогтоолоо.
МАНдоторх энэ бужигнаан одоо генсекийн суудал руу чиглэлээ. Д.Амарбаясгалангийн байр суурь нэгэнт ганхаад эхэлсэн байна. Улс төрийн хүрээнийхний ярьж буйгаар намын лидерүүд нь түүнийг генсекээс буулгахаар нэлээд шахаж байгаа гэх. МАН-ын генсек гэдэг бол намын гал тогоог барихаас гадна нөлөө бүхий том эрх мэдлийг атгадаг албан тушаал. Хүссэн бүхэн нь очоод заларчихдаг суудал ч биш. Тийм болохоор генсекийн төлөөх марафон үнэхээр “алаан” болдог. Д.Амарбаясгалангийн хувьд ногоон автобусны хэрэгт өөрийгөө “гэрэл цохиулчихсан”. Бас нүүрсний хулгайтай холбоотой хэмээн бичигдэж байна. Иймэрхүү хэргээр нь түүнийг барьцаалан гарцгүй болгож байгаад генсекийн суудлаас нь мултлах нөхцөл нэгэнт бүрджээ. Шахаанд орсон Д.Амарбаясгалан генсекээ өгөхөөс ч өөр замгүй. Зарим эх сурвалжуудын хэлж байгаагаар нам дотроо хэдийнэ тохироогоо хийчихсэн бололтой.
Х.Нямбаатар хотын дарга болсноор УИХ-ын гишүүн, ХЗДХ-ийн сайдын албан тушаалаасаа чөлөөлөгдөнө. Уг нь тэрбээр УИХ-аас байгуулагдсан нүүрсний сонсгол явуулах ажлын хэсгийг ахалж байсан. Харин Х.Нямбаатарын статус өөрчлөгдчихөөр нүүрсний сонсгол явах уу, үгүй юу гэдэг асуултын тэмдэг болж байна. Эндээс харахад, МАНнүүрсний хулгайг намжааж байгаад сонгуульдаа орох хувилбар уншигдахаар. Гэхдээ Д.Амарбаясгаланг генсекээс холдуулж байгаад нүүрсний хулгайг нь ярихгүй гэж тохиролцсоныг ч үгүйсгэхгүй. Яагаад гэвэл нүүрсний сонсголоор Д.Амарбаясгаланг барьцаалж, урдах хойдохыг нь ухаж л таарна. Мань эр генсекээ өгч л байгаа бол нүүрсний сонсгол явахгүй гэж судлаачид харж байна билээ.
Тэгвэл МАН-ын дараагийн генсек хэн байх вэ. Энэ бол Ардын намын зодооныг улам ширүүсгэх сэдэв. Д.Амарбаясгалангаас өмнө Я.Содбаатарын нэр нэлээд хүчтэй яригдаж байсан удаатай. Бараг л генсекээр томилоод буцаасан гэдэг. Ерөнхийлөгчийн Тамгын газрын дарга намын генсекийг давхар эрхэлж болох эсэх нь тухайн үед маргаан дагуулж байсан удаатай. Тэгвэл энэ удаад хэд хэдэн хүний нэрс хөшигний ард яригдаж байгаа гэнэ. Тэр дунд хамгийн түрүүнд мөн л Я.Содбаатарын нэр цохогдсон бололтой.
11 replies on “МАН-ын генсекийн төлөөх “алалцаан” эхэллээ DNN.mn”
Бичих юм олдохгүй болохоор оруулсан мэдээгээ он сарыг нь шинэчлээд хийгээд байдаг юмуу яадаг юм бэ.
МАН-н авилга бүхний автор л биш бол хэн ч байсан яахав ээ
Энэ авгай нээрэй чаана шүү. Амарбаясаглан харин ч нэг байдгаараа байгаа баых шүү. Чи ханлалт авах гэж иэгэж худлаа аашхаа болих хэрэгтэ шүү.
МАН бузар булай, авилгал, хулгай бүхний эх үүсвэр…
manau yls xeruuliin buzar boljee xereldexgyi sedeb ch alga yana daa
Иймэрхүү баримгүй, таамагласан, хардсан мэдээллийг олон нийтэд цацах нь тулхтай сайн бичээчийн бичих зүйл биш. Уншигчдын дотор хэл ам хэрүүл үүсгэх нь оновчтой сонголт биш. Олигтойхон судлаад баталгаатай зүйл бичиж бай. Хов живийн чанартай зүйл бичих хэрэггүй.
Сумка болно
МАН ч энэ янзаараа нийслэлд ямар ажил хийж чадалгүй ногоон автобус нь хулхи болж таараад сонгуульд унах магадлал өндөр болсон учраас ( энд халагдсан хэлмэгдсэн , хариуцлага хүлээсэн хүн ганц ч байхгүй) хооронд нь сэлгээ хийх , албан тушаалаа дамжуулан арга тактик ашиглалаа.
Эргүү Содбаатараас өөр хүн байдаггүй юм уу
Худлаа юм бичихээ болиочээ,хэний захиалгаар бичээд байгаа юм бэ,худлаа юм бичиж яс чулуудахаа боль доо эрхэм сэтгүүлч гуай
Хариуцлага хүлээж огцорсон хүмүүс нь дээшээ дэвшдэг улажлалтай шүү! Бүр шорогын нарнаас их хуралруу ороод л ирдэг биз дээ!!!