МАН-ын Тусгаар тогтнолын ордонд Удирдах зөвлөлийн хуралдаан болж байна. Товлосон цагаасаа хожуу эхэлсэн уг хуралдаан болж байгаа Цагаан байр руу хэвлэлийнхнийг нэвтрүүлэхгүй, хамгаалалт гаргажээ. Удирдах зөвлөлийн хуралдаан ширүүн уур амьсгалтай эхэлж, тагнах чагнах ажиллагаа, У.Хүрсэлсүхийн утасны яриа, 60 тэрбумын асуудал, НИТХ-ын дарга Ц.Сандуйг огцруулах асуудал яригдсан хэмээн зарим эх сурвалж мэдээлж байна. МАН-ын Удирдах зөвлөлийн хуралдаанаас Бага хурлыг ирэх сард зохион байгуулахаар болсон бололтой.