МАН-ын бүлэг өнөөдөр ээлжит хуралдаанаараа Ерөнхий сайд болон Хууль зүй, дотоод хэргийн сайдын зүгээс хийсэн цаг үеийн нөхцөл байдал, цаашид авч хэрэгжүүлэх арга хэмжээнүүдийн талаарх мэдээллийг сонссон байна.
Тус мэдээлэлтэй холбогдуулан Засгийн газрын зүгээс жагсагчидтай уулзаж тэдний саналыг сонсох, үг хэлэх нөхцөлийг нь бүрдүүлэх, хэлэлцээрт орж асуудлыг шийдвэрлэхэд анхаарах чиглэлийг өгчээ. Хариуцлага тооцох хүрээнд авлига, албан тушаалын гэмт хэрэгтэй холбоотой хуулиуд буюу Эрүүгийн хууль, Эрүүгийн хэрэг хянан шийдвэрлэх хуульд нэмэлт өөрчлөлт оруулах асуудлыг Засгийн газрын хуралдаанд оруулж, УИХ-д өргөн барих нь зүйтэй. Түүнчлэн байгалийн баялгийн төрийн өмчийн менежментийг сайжруулах хүрээнд Төрийн болон орон нутгийн өмчийн тухай хууль, Төрийн өмчийн компаниудын тухай хууль, Уул уурхайн бүтээгдэхүүний биржийн тухай хуулийг энэ долоо хоногт хэлэлцэн батлах шаардлагатай гэж үзлээ. Дээрх таван хуулийг яаралтай горимоор хэлэлцэн батлахаар тогтсон” гэлээ.