Өнөөдрийн
чуулганы нэгдсэн хуралдаанаар анхны
ардчилсан сонгууль болж байнгын ажиллагаатай парламент байгуулагдсаны 25 жилийн
ойг тохиолдуулан өршөөл үзүүлэх тухай хуульд нэмэлт, өөрчлөлт оруулах тухай
хуулийн төслийг хэлэлцэхээр төлөвлөсөн байсан ч Улсын Их Хурал дахь МАН-ын
бүлгийн дарга С.Бямбацогт энэ хуулийн төслийн талаар гишүүд нэгдсэн ойлголцолд
хүрч чадаагүй байгаа тул ажлын хэсэг гарган асуудлыг байнгын хороон дээр эргэж
хэлэлцэх шаардлагатай байна гэв. Тэрбээр эл асуудлын улмаас завсарлага авах хүсэлтэй байгаагаа мэдэгдсэн.
Хуралдаан даргалагч тус намын бүлгийн хүсэлтийг хүлээн авч ажлын тав хоногийн
завсарлага өгсөн юм.