Энэ сарын 20-ны даваа гаригт буюу маргааш эхлэх МАН-ын XXVIII Их хурлаар Намын даргын улс төрийн илтгэл, Ерөнхий нарийн бичгийн даргын тайлан илтгэл, Хяналтын Ерөнхий хорооны тайлан илтгэл, мөн XXVII их хурлаас хойшх Монгол Улсын улс төр, нийгэм, эдийн засгийн байдал болон МАН-ын өнгөрсөн хугацааны үйл ажиллагааны тухай, цаашид хэрэгжүүлэх зорилтыг агуулсан томоохон илтгэлүүд тавигдана хэмээн тус намын ерөнхий нарийн бичгийн дарга Д.Амарбаясгалан хэвлэлийн хурлын үеэр хэлсэн билээ. Нийслэл, аймаг, сум, багаас намын гишүүдийн төлөөлөл болж ирсэн Их хурлын төлөөлөгчдийн санал, шүүмжлэл, мэдээллийг сонсохын зэрэгцээ намын эрмэлзэх зүйл, мөрийн хөтөлбөр, дүрмийн нэмэлт, өөрчлөлтийг хэлэлцэх товтой байгаа билээ. Хурлаар намын дүрэмд өөрчлөлт оруулах асуудлыг хэлэлцэх юм. Тусгаар тогтнолын ордонд МАН-ын Бага хурал эхлээд байна.