Холимог тулааны алдарт UFC холбооны 218 дахь тулаан америкийн цагаар арванхоёрдугаар сарын 1-ний шөнө боллоо. Тус тулаанд UFC-ийн алдарт зодоонч Жозэ Алдо эргэн ирсэн юм. Тэрбээр 66 кг-ын аварга Макс Халловэйтэй бүсийн төлөө тулалдаж гуравдугаар үед хүнд цохилтоор ялагдсан. Ийнхүү аварга Макс Халловэй хоёр дахь удаагаа бүсээ хамгаалж ялалтын цуврал нь 12 боллоо. Макс Холлавэй тулааны дараа Жозэ Алдогийн талаар “Тэр 7, 8 удаа бүсээ хамгаалсан. Бразил түүний хөшөө босгох ёстой гэж бодож байна. Тэр бол домог. Тэр бол бүх цаг үеийн шилдэг” гэсэн юм.
Дараагийн хүнд жингийн дараагийн аварга гэгдэж буй Франчиз Ингуаннуа баруун гарын хүнд зохилтоор Алистар Овримийг яллаа. Түүний дараагийн өрсөлдөгч хүнд жингийн аварга алдарт Стайп Миочич юм.
Мөн энэ жилийн хамгийн шилдэг тулаануудын нэг UFC 218-ийн үеэр болсон юм. Эдди Алварэз Жастин Гэтжа нар гурван үеийн ширүүн тулаан хийж зодоон дуусахад нэг минут үлдсэн үед Эдди Алварэз өрсөлдөгчийнхөө ирүү тус газар өвдөглөж ялав.
Дараагийн UFC figh night арванхоёрдугаар сарын 9-нд болно. Тус тулааны оргил зодоон Свансон Орига нарын хооронд болох аж. Харин UFC 219 арванхоёрдугаар сарын 30-нд үүдээ нээнэ.
Б.АМАРТҮВШИН