Махны үнэ өсөлттэй байна

Үндэсний статистакийн хорооноос мэдээлсэн махны үнэ ханшийн талаар мэдээ хүргэе. Хонины ястай мах нэг килограмм нь дунджаар 6065 төгрөг, үхрийн ястай мах нэг килограмм нь дунджаар 7055 төгрөгийн үнэтэй байна. Үхрийн ястай мах 0.4 хувиар буюу 25 төгрөгөөр, үхрийн цул мах 0.1 хувиар буюу 10 төгрөгөөр өсчээ. Ажиглалтаар үхрийн мах “Макс” супермаркетад хамгийн хямд буюу 6900 төгрөг, харин “Номин”, “Бөмбөгөр”, “Меркури”, “Таван-Эрдэнэ” хүнсний захуудад хамгийн өндөр үнэтэй буюу 7500 төгрөг болжээ. Хонины ястай мах 8.6 хувиар буюу 480 төгрөг, хонины цул мах 5.3 хувиар буюу 355 төгрөгөөр тус тус өссөн байна. Ажиглалтаар хонины мах “Макс” супермаркетад хамгийн хямд буюу 5500 төгрөгөөр, харин “Меркури” хүнсний захад хамгийн өндөр үнэтэй буюу 7500 төгрөгөөр худалдаалж байна.