Монгол Улсын Засгийн газар хоёр хөршдөө 1 тэрбум
ам.долларын мах экспортлохоор болж, хэлэлцээрүүд хийгдэж байгаа.
Мах экспортлох бэлтгэл ажлын хүрээнд БНХАУ-ын
хорио цээрийн байгууллагын найман төлөөлөгч ирж, баруун аймагт судалгаа
шинжилгээ хийхээр болжээ. Төлөөлөгчид махны үйлдвэрүүдэд эрсдлийн үнэлгээ хийж,
хүнсний аюулгүй байдал, эрүүл ахуйн шаардлага хангаж байгааг шалгах аж.
Шалгалтын дүн гарсны дараа БНХАУ-д мах экспортлох
үйлдвэрүүдэд нэмж зөвшөөрөл олгох асуудал яригдах юм байна.
Монгол Улсад өнөөдрийн байдлаар мах экспортлох
зөвшөөрөлтэй 41 үйлдвэрээс 26 нь ОХУ-д, таван үйлдвэр нь БНХАУ-руу гаргах
зөвшөөрлийг тус бүр авсан байдаг аж.