МАХН 2011 онд шинээр байгуулагдаж жил бүр Онц их хурал гэдгийг зохион байгуулсан. Тус намын таван жилийн ой тохиож байгаа бөгөөд ойн арга хэмжээнд зориулан “Хөгжлийн хувьсгал” арга хэмжээг энэ сарын 27-нд зохион байгуулах гэж байна. Арга хэмжээнд 21 аймаг, нийслэлийн есөн дүүргээс МАХН-ын гишүүд дэмжигчид ирж оролцох юм байна. Мөн МАХН-ын дарга Н.Энхбаяр оролцож, үг хэлэх аж.
Тус арга хэмжээнд МАХН-ын Гүйцэтгэх товчооны гишүүн, МАХН-ын анхны Ерөнхий нарийн бичгийн дарга Н.Удвал “Тэмцэж хатуужсан таван жил”, МАХН-ын Гүйцэтгэх товчооны гишүүн, УИХ-ын гишүүн Ч.Улаан “Оюу толгойг олноороо шийдье” сэдвээр илтгэл тавьж, хэлэлцүүлэг өрнүүлэхээр товложээ.