Мөрөөдөл гэдэг хил хязгаар үгүй, биелэшгүй мөрөөдөл гэж байдаггүйг монголчууд бидний дундаас эгэл даруу нэгэн залуу харуулж чадлаа. Хөлбөмбөгийн хорхойтон Б.Очирваань Английн Premier league-Manchester United багийн тоглолтыг өөрийн биеэр үзэх мөрөөдлөө биелүүлэхээр яг жилийн өмнө эх орноосоо дугуйтай мордож байжээ. Тэр үед тийм ч олон хүн түүнийг дэмжээгүй гэдэгт итгэлтэй байна. Магад зарим нь “солиорсон байх” гэсэн ч байж мэдэх шүү. Гэтэл тэр мөрөөдлөө биелүүллээ.
Тэрээр замдаа дэлхийн 20 орноор дайран өнгөрч 14 мянган км замыг дугуйгаар туулжээ. Түүнтэй Английн нутагт хөл тавихаас өмнө Manchester United багаас холбогдож, өөрийн дэмжигч багийн тоглолтыг үзэх урилгыг өгснөөр өнөөдөр Б.Очирваань Монголын төдийгүй дэлхий нийтийн анхаарлыг татаад байна.
Монголын тал нутгаас дугуйтай мордсон залуу өнөөдөр, яг энэ цаг мөчид мөрөөдлөөрөө жигүүрлэн нисч байна. Б.Очирваань фанат багийнхаа тоглолтыг үзээд зогсохгүй Премьер лигийн жинхэнэ цомыг өөрийн гараар өргөж “Хүүхэд байхдаа мэргэжлийн хөлбөмбөгчин болоод Манчестер Юнайтедын улаан өмсгөлтэй Премьер лигт тоглож түрүүлээд энэ гайхалтай цомыг өргөнө гэж үргэлж төсөөлж, мөрөөддөг байсан” хэмээн бахархан ярьжээ. Гайхамшиг үргэлжилсээр. Б.Очирваань Олд Траффордод хөлбөмбөг тоглох урилга хүлээн авчээ. Мөрөөдлөө биелүүлэхээр 365 хоногийн өмнө өөрийн гэрээс хөдөлсөн тэр мөч, тэр зүтгэлийн хариу нь өнөөдөр ч үргэлжилсээр байгааг монголчууд харж, бахархаж байна.
Хамгийн гоё нь Б.Очирваань Монголын нийгэмд, хүүхэд залуусын зүрхэнд гэрэл асаалаа. Болохгүй, бүтэхгүй, хөгжихгүй байгаа тухай хүн бүр халаглаж, хүүхэд залуус ирээдүйдээ итгэл буурч буй энэ цаг үед “Мөрөөд, бүр том мөрөөд, түүнийхээ төлөө яг одоо хөдөл. Үүнд юу ч нөлөөлөхгүй” гэж Б.Очирваань өөрийн биеэр хэлж, харууллаа.
3 replies on “Монголын нийгэмд гэрэл асаасан дугуйчин залууд баярлалаа DNN.mn”
ОЛИГГҮЙ АВИЛГАД ИДЭГДСЭН ! ТАРХИ УГААСАН ! УЛС ОРНЫ ХӨГЖЛИЙН ГОХ ДЭГЭЭ БОЛСОН ! ҮХШИРМЭЛ ҮЗЭЛ СУРТАЛДАА ИДҮҮЛСЭН ! МАФИЖСАН МАН – ЫН МАФИЖСАН БҮЛЭГЛЭЛҮҮД ! АРДЧИЛСАН МОНГОЛ УЛСЫГ ХОЦРОГДСОН ! АЖИЛГҮЙДЭЛ , ЯДУУРАЛ , МӨНГӨНИЙ ХАНШИЙН УНАЛТАНД ИДЭГДСЭН ! ИРГЭДИЙНХЭЭ ГЭРЭЛТ ИРЭЭДҮЙГ ААЖМААР УНТРААСААР СҮЙРЭЛ РҮҮ ХӨТӨЛЖ ИРЛЭЭ ! МАН – ЫНХАН ПАРЛАМЕНТЫН 8 – Н УДААГИЙН СОНГУУЛЬ ЯВАГДАЖ ИРСНИЙ 6 – Д НЬ ҮНЭМЛЭХҮЙ ОЛОНХИ БОЛЖ ЗАСГИЙН ЭРХЭНД ГАРЧЭЭ !!! УЛС ОРНЫ БАЙЖ БАЙГАА ЦАРАЙ ! ИРГЭДИЙН ТӨЛӨВШИЛ АХУЙ АМЬДРАЛ БҮГД МАН – ЫН ЗАСАГЛАСАН ҮЕҮҮДЭД УЛАМ БҮР ДОРОЙТОН УХАРЧ ИРСЭН ! ГЭТЭЛ ЭНЭ ЗАЛУУ ШИГ ГЭРЭЛТСЭН ЗАЛУУС ХЭДЭН АРАВ ! ХЭДЭН ЗУУ ! ХЭДЭН МЯНГААРАА БИЙ !!! ТЭДЭНД ЗАСАГ ШИГ ЗАСАГ БОДЛОГО ШИГ БОДЛОГО ҮГҮЙЛЭГДЭЖ БАЙНА !!! МАН – ЫГ ЯАЧИЖ ХОШГОРУУЛСАН БҮҮ СОНГО !!!!!
монголыг энэ талбарт элдвээр хараан зүхэхээс өөр юү ч хийхгүй хийрхэж байдаг нөхдүүд хөгжүүлэхгүй ээ харин уруудуулна эсэргээрээ энэ хүү шиг эгэл мөртлөө зорилготой ухаантай залуус хөгжүүлнэ шүү эд нар олуулаа эднийг дэмжигчид ч олон шүү
Том мөрөадөлтой зорилготой зоригтой сайн хүү юм аа.бахархан баярлаж байна.Монголын үнэн бахархал болж дэлхийд Монголоо тов тодорхой танилцуулж чадлаа….сайхан хүүдээ улам их амжилт урам зориг нэмэрлэе