Ерөнхийлөгчийн сонгуулиар ялагдал хүлээсэн МАН-ын дарга М.Энхболд руу чиглэсэн шүүмжлэл дайралт сүүлийн үед эрчимжээд байгаа. Түүнтэй сонгуулийн ялагдал, 60 тэрбум тойрсон асуудлын хариуцлага тооцох асуудал яригдахын зэрэгцээ тус намын зарим гишүүдийн зүгээс Шадар сайд У.Хүрэлсүхийг тагнасан, мөрдсөн хэрэгт ч буруутгах болов.
М.Энхболд өөрийн фэйсбүүктээ энэ талаар тайлбар хийжээ.
Тэрбээр “Намайг гүтгэсэн мэдээ гаргаж, түүнийгээ сошиал орчинд зохион байгуулалттай тарааж эхэллээ.
-Би төрийн албанд зүтгэхдээ хүнийг дагах, мөрдөх үүргийг хэнд ч, хэзээ ч өгч байгаагүй, надад ийм зан чанар огт байхгүйг хүмүүс мэднэ. Энэ асуудлыг хууль хяналтын байгууллагад хандаж шалгуулна” гэсэн байлаа.
