Шинэ Зеландын хүндийг өргөгч Лорел Хаббард Токиогийн олимпын наадамд оролцох шалгуурыг хангаж эрх авсан талаар ОУОХ мэдээллээ. Хүндийг өргөлтийн төрөлд олимпын наадмын эрх олгох олон тэмцээнүүд хойшилсон бөгөөд сүүлд маш шахуу хууваарьтай, зарим журам нь өөрчлөгдсөн байдалтай зохион байгуулагдсан юм байна.
Л.Хаббард чансааны 16 дугаарт бичигдэж байсан ч түүнээс өндөр чансаатай зургаан тамирчин /тухайлбал, ОХУ-ын Татьяна Каширина/ дэлхийн допингийн эсрэг агентлагийн дүрэм зөрчин олимпийн наадамд өрсөлдөх эрхгүй болсон тул дээш огшжээ.
Лорел Хаббардын хувийн дээд амжилт нь 285 кг юм байна. Энэ жил 43 настай тэрээр өмнө нь Гэвин Хаббард нэртэй байсан бөгөөд 35 настай байхдаа хүйсээ солиулж эмэгтэй болсон юм. Улмаар 2017 оны дАШТ-ээс мөнгөн медаль хүртжээ.