Их Британийн нийслэл Лондон хотод өнгөрсөн бямба гарагт болсон цуврал террорист халдлагын хариуцлагыг лалын босогчдын “Лалын улс” бүлэглэл өөртөө хүлээлээ.
Террорист халдлагыг үйлдсэн гэдгээ “Лалын улс” бүлэглэл өөрийн суртал нэвтрүүлгийн цахим хуудсаараа дамжуулан мэдэгдсэн байна.
Өнгөрсөн бямба гарагийн 22:08 цагийн үед Лондоны гүүрэн дээр тээврийн хэрэгсэлтэй этгээдүүд явган зорчигчдыг дайрч мөргөөд, дараа нь “Borough Market” худалдааны төвөөс холгүй орших газарт болон тус төвийн хажуугийн ресторануудад хүмүүсийг хутгалан шархдуулсан юм.
Их Британийн холбогдох албаны хүмүүсийн мэдэгдсэнээр, энэ цувралын халдлагын улмаас 7 хүн амь үрэгдэж, 48 хүн эмнэлэгт хүргэгджээ.
Халдлага болсноос хэдхэн минутын дараа хэргийн газраас холгүй байсан гэмт этгээдүүдийг цагдаа нар буудан устгасан юм.
Халдлагатай холбогдуулан 12 хүн, тэдний дотор дөрвөн эмэгтэйг баривчлаад байна.