Лондон хотын баруун зүгт байрлах метроны ‘Парсонс Грин’ өртөөнд өчигдөр өглөө цагийн үед дэлбэрэлт гарчээ. Дэлбэрэлтийн улмаас 18 хүн эмнэлэгт хүргэгдсэн байна. Лондогийн цагдаагийн газрын мэдээлж буйгаар, энэхүү золгүй үйл явдал террорист ажиллагаатай холбоотой байх өндөр магадлалтай гэв. Урьдчилсан байдлаар, ‘Парсонс Грин’ өртөөний нэг галт тэрэгний шалан дээр ууттай хуванцар сав дэлбэрсэн гэх таамаглалыг Британийн сэтгүүлчид дэвшүүлж байна. Тэрхүү хуванцар саванд гар аргаар хийсэн дэлбэрэх төхөөрөмж байсан ажээ.
Болсон үйл явдалтай холбоотойгоор Их Британийн Ерөнхий сайд COBRA онцгой байдлын хороог яаралтай хуралдахыг үүрэг болгосон байна. Үүнээс гадна, ард иргэдийг тайван байхыг анхааруулжээ.