Монгол лам нарын чуулган фэйсбүүк группээс жил бүр уламжлал болгон зохион байгуулдаг “Асралын аян”4 хүмүүнлэгийн аяныг өнөөдөр зохион байгуулах юм.
Тус аянд нийслэл хот, орон нутаг, гадаад улс оронд шавилан суугаа олон лам хуваргууд өөрсдийн боломж бололцоогоороо хандив өргөж оролцдог бөгөөд үндэсний тусгаар тогтнолын баяраар уламжлал болгон зохиодог.
“Асралын аян” 1 аяны хүрээнд Коронавирус 2019 онд Монголд тархаж эхлэх үед лам нарын чуулган группээс түүчээлж 20’000’000 сая төгрөгийн хандиваар тухайн үед хомс байсан бээлий маск гэх мэтийг УОК-т хандивлаж байв.
“Асралын аян” 2 аяны хүрээнд 2020 онд Улаанбаатар хотын дүүргүүдэд хөл хорионд байж хоол хүнсний дутагдалд орсон 300 гаран айл өрхүүдээр хүнсний зүйлс тарааж УОК-т бэлэн мөнгө, маск бээлий зэрэг эд зүйлсийг хандивлаж байв.
“Асралын аян” 3 аяны хүрээнд 2021 онд эрүүл мэндийн байгууллагуудад нэн чухал яаралтай байгаа 21.5 сая төгрөгийн өртөгтэй тоног төхөөрөмжүүдийг Улаанбаатар хотын дүүргүүдийн 11 эмнэлэг буюу ЭХЭМҮТ, БГД-ийн хүүхдийн эмнэлэг, СХД-ийн хүүхдийн эмнэлэг, Түлэнхийн төв, УГТЭ, УНТЭ, ЧД-ийн эмнэлэг, Өргөө амаржих, Амгалан амаржих, Хүрээ амаржих, Багануур дүүргийн эмнэлэгүүдэд хандивлажээ.
Тэгвэл “Асралын аян” 4 хүмүүнлэгийн үйл ажиллагааны хүрээнд өнөөдөр 11 цагт Баянгол Дүүргийн Тохижилт Үйлчилгээний ажилчдад хоол хүнсний зүйл, дулаан бээлий, зарим ажилчдад эмчилгээний төлбөр хандивлах үйл ажиллагаа 25-р эмийн сангаас хороолол өгсөх замд байдаг Чингүнжавын хөшөөний урд талбайд болно.
Бүх нийтийн амралтын өдөр тул төлөөлөл болгоод 20 ажилчдад энэхүү тусламжийн дээжийг гардуулахаар төлөвлөжээ