Олон улсын хөлбөмбөгийн холбооны(FIFA) төв штаб байрладаг Швейцарийн Цюрих хотноо 2015 оны дэлхийн шилдэг хөлбөмбөгчийг тодруулах ёслолын ажиллагаа өчигдөр боллоо.
Энэ удаагийн шалгаруулалтад Барселоны Лионель Месси, Реал Мадридын Роналду, Бразилийн шигшээ, Испанийн Барселон багийн Неймар нар шалгараад байсан.
Ингээд Л.Месси 41,33 хувийн санал авч “Алтан бөмбөг”-ийг тав дахь удаагаа хүртлээ. Түүний хувьд 2009, 2010, 2011, 2012 онуудад хүртээд байсан юм. Криштиано Роналдо 27.76 хувийн санал авсан бөгөөд тэрээр 2008, 2013, 2014 оны шилдэг хөлбөмбөгч болж байсан. Неймар 7.86 хувийн санал авчээ.
Энэхүү нэр хүндтэй шагналыг сүүлийн найман жилийн турш Месси, Роналдо нарын аль нэг нь аваад байна.
ФИФA-гийн гишүүн орнуудын нэр хүндтэй сэтгүүлчид төгсгөлийн шатанд шалгарсан гурван хөлбөмбөгчид нууцаар саналаа өгч, тухайн жилийн хамгийн шилдгүүдийг тодруулдаг.
Шилдэг эмэгтэй хөлбөмбөгч:
Карли Ллойд 35.38 хувь
Сели Шашич 12.60 хувь
Ая Мияма 9.88 хувийн
Шилдэг гоол:
Венделл Лира 46.7 хувь
Лионель Месси 33.3 хувь
Алессандро Флоренци 7.1
Шилдэг дасгалжуулагч:
Луис Энрике 31.08 хувь
Пеп Гвардиола 22.97 хувь
Хорхе Сампаоли 9.46 хувийн санал авчээ.
Карли Ллойд
Венделл Лира (шилдэг гоол)
