Монгол Улс нь ОХУ-ын хувьд эдийн засгийн чухал коридор бөгөөд хоёр улсын хоорондын ачаа эргэлт нэмэгдэхийн хэрээр хуучин төмөр замыг нөхөн сэргээх, шинэ төмөр зам барих зэрэг хамтарсан төслүүдийг шинэ түвшинд гаргаж байна. Эдгээр асуудлыгОХУ-ын Владивосток хотноо болох Дорнын эдийн засгийн чуулга уулзалтаар хэлэлцэх төлөвтэй байна.Чуулга уулзалтын хэлэлцэх нэн чухал сэдвүүдийн нэг нь логистикбайх юм.
Жил ирэх тусам Монгол Улсын ачаа тээвэрлэлтийн хэмжээ нэмэгдэж байна, тухайлбал 2013-2023 оны хооронд 21-45 сая тонн болтлоо өссөн. Зөвхөн өнгөрсөн жилийн байдлаар гэхэд хоёр улсын хоорондын ачаа эргэлт 42% дахин өсөж, 2,5 тэрбум доллараар нэмэгдсэн.
Өнгөрсөн жил Монгол улсын Ерөнхий сайд Дорнын эдийн засгийн форумд оролцохдоо ОХУ-ын “Оросын төмөр замууд” нийгэмлэгийн Ерөнхий захиралтай уулзсан юм. Тэр үеэр талууд Монгол Улсын төмөр замыг шинэчлэх асуудлыг судлахаар тохиролцсон билээ. Харин энэ жилийн 6-р сард УИХ-ын Дарга Гомбожавын Занданшатар Москва хотод айлчлал хийсэн юм.
“Большая Азия” цахим хэвлэлд дурдсанаар “Монгол, Оросын хамтарсан хувь нийлүүлсэн “УБТЗ” нийгэмлэгийн урт хугацааны туршид шийдэж чадахгүй байсан өрний асуудлыг эцэслэж шийдэж чадлаа». ОХУ-ын төмөр замын мэргэжилтнүүд “УБТЗ”-ын мэдээллийн технологи, диспетчерийн алба, замуудыг шинэчлэх төсөл боловсруулсан. Оросын тал Транссиб болон БАМ-ын төмөр замуудыг амжилттай шинэчлээд байгаа билээ. “Оросын төмөр замууд” нйигэмлэгийн бүтээн байгуулалтын асуудал хариуцсан орлогч дарга Андрей Макаров 2027 он гэхэд тээвэрлэлтийн хүчин чадлыг 197 сая тонн хүргэх төлөвлөгөөтэй байгаа тухай онцолсон юм.
Мөн Чойбалсан-Хөөт-Бичигт чиглэлийн төмөр замын бүтээн байгуулалтын ажилд хөрш улс дэмжлэг үзүүлж байгааг Өвөр байгалийн мужийнЗасаг дарга Александр Осипов энэ оны 8-р сард Дорнод аймагт айлчлахүеэрээ дурдсан юм. Энэ нь 16 жилийн дараа болж буй анхны албан ёсны айлчлал болсон юм. Дорнод аймгийн Засаг дарга Бадамсүрэн “Монгол Улс ОХУ-тай 2 хилийн боомттой. Зорчигч болоод ачаа тээвэрлэлтийн Ульхан болон Соловьевск хоёр боомтыг шат дараатай шинэчилнэ”гэж онцлон тэмдэглэсэн.
Монголын төмөр зам, боомтуудын хөгжил болонМонголын бусад чухал төслүүдийг 9-р сарын 10-13-ны хооронд ОХУ-ын Владивосток хотод зохион байгуулагдах Дорнын эдийн засгийн форумын үеэр хэлэлцэх төлөвлөсөн байгаа. “Хамтын ажиллагаа, энх тайван, хөгжин цэцэглэлтэд хүрэх нь” сэдвийн дор зохион байгуулагдах тус форумын хэлэлцэх гол сэдвийн нэг нь “Логистикийн өөрчлөлт” байх юм.