Улсаас 3.8 тэрбум төгрөг завшсан хэрэгт буруутгагдан шалгагдаж буй Ерөнхий сайд асан Н.Алтанхуягийн ахлах зөвлөх Л.Гансүх болон хоёр иргэнд холбогдох шүүх хурал Баянзүрх, Сүхбаатар, Чингэлтэй дүүргийн шүүхэд өнөө өглөө эхэлсэн талаар мэдээлсэн билээ. Шүүх хуралд гэрчээр оролцох н.Сономпил, н.Жигжид нар ирээгүй бөгөөд хилээр гарсныг шүүгч мэдэгдлээ. Тэрээр хэлэхдээ “Гэрч нарыг байлцуулалгүйгээр хавтаст хэрэгт авагдсан материалуудад үндэслээд, шүүх хурлыг цааш үргэлжлүүлэх боломжтой гэж үзэж байна” гэв. Харин
Шүүх хурал эхэлмэгц Л.Гансүхийн өмгөөлөгч Ц.Цэрэнжээ хурлыг хойшлуулах хүсэлт гаргасан боловч шүүх бүрэлдэхүүн түүний хүсэлтийг хүлээж аваагүй. Ингээд шүүх хурал үргэлжилсэн. Харин яг одоо шүүх хурал түр завсарлаад байна. Учир нь өнгөрсөн долоо хоногт товлогдсон шүүх хурлын үеэр Л.Гансүхийн өмгөөлөгч шүүх бүрэлдэхүүнээс татгалзаж байгаагаа уламжилсан. Тэрээр өнөөдрийн шүүх хурлын үеэр ч шүүх бүрэлдэхүүнтэй танилцах хүсэлт гаргав. Ингэснээр Л.Гансүхийн шүүх хурал түр завсарлалаа.