Ерөнхий сайд асан Н.Алтанхуягийн ахлах зөвлөхөөр ажиллаж байсан Л.Гансүхийг шүүх хуралдаан гурав дахиа хойшиллоо. Шинжээчид Багануурын нүүрсний уурхайн удирдлагуудыг хуралдаанд оролцуулах хүсэлт гаргасан ч тэд ирээгүй шалтгаанаар хуралдаан энэ сарын 10-ныг хүртэл хойшиллоо. Харин гэрчээр дуудагдсан УИХ-ын гишүүн Н.Алтанхуяг хуралдаанд ирсэн бөгөөд сэтгүүлчдэд мэдээлэл хийж байна.
Шүүгдэгч Л.Гансүх нарын таслан сэргийлэх арга хэмжээг өөрчилж өнөөдрөөс цагдан хорих шийдвэрийг шүүх гаргалаа. Дараагийн хурал Урьдчилан хорих 461 дүгээр ангид болох аж.
Л.Гансүхийг Эрүүгийн хуулийн тусгай ангийн 150.3, 263.2-т зааснаар буруутган шүүх юм. Түүнийг Шинэчлэлийн Засгийн газраас хэрэгжүүлсэн “Нүүрс” хөтөлбөрийн хөрөнгөнөөс 13 тэрбум төгрөг завшуулсан байж болзошгүй хэрэгт ялласан билээ.