Боловсрол, шинжлэх ухааны сайд Л.Энх-Амгалан өмнөх сайд Л.Цэдэвсүрэн болон салбарын ажилчидтай хуралджээ. Тэрээр энэ талаараа өөрийн цахим хуудаст оруулсан байна.
Л.Энх-Амгалан “Боловсрол, шинжлэх ухааны яамны удирдлагын баг, өмнөх сайд, дэд сайд, төрийн нарийн бичгийн дарга газар, хэлтсийн дарга нартай уулзлаа. Ахиад ч үргэлжилж 3 хоногт багтааж бүх мэдээллээ авна. 3 хоногт ажлаа эрэмбэлнэ. Өмнөх сайдыг зөвлөхөөрөө урина.
Шинэ сайд ирлээ гээд энэ хамт олныг хөдөлгөж, өөрчилж айдас хүйдэст автуулахгүй, хувь хүний хувьд мөнгө төгрөг, тендерээс хол ажиллана, ямар нэгэн дарамт очихгүй. Гагцхүү бүтээлч байдал, ажил хэрэгч санал, зөв бодлого барьж ажиллана. Бас хурд ажлын бүтээмж л нэхдэг гэдгээ хэлэв. Хамтарч ажиллана” гэжээ.