Засгийн газрын өнөөдрийн хуралдаанаар 30 орчим асуудал хэлэлцэж байгаагаас эхний шийдвэрүүд гарсан байна.
Эх сурвалжийн мэдээлснээр тусгаарлах байранд байгаа алба хаагчдын зардлыг шийдвэрлэжээ.
Тухайлбал, ажлаа хийж яваад коронавирусийн халдвар авсан эмнэлгийн ажилтнуудад дөрвөн сая төгрөг олгохоор болсон байна. Энэ мөнгөн тусламжийг цаашид ч нэмэхийг Засгийн газрын тэргүүн үүрэг болгожээ.
Өнөөдрийн байдлаар эрүүл мэндийн ажилтнуудын дунд гарсан халдварын тоо 29 байгаа. Үүнээс 17 нь ХӨСҮТ-ийн Халдвартын клиникт илэрсэн бол 12 нь Цэргийн төв эмнэлгийн эмч, ажилтнууд.
Мөн Хүүхдийн төлөө фонд байгуулах эх үүсвэрийг шийдсэн байна.