БНСУ-ын хамгийн том компаниудын нэг болох “Ханжин” группийн ерөнхийлөгч, агаарын тээврийн “Korean Air” компанийн ерөнхийлөгч Чо Ян Хо уушгины хүнд өвчний улмаас таалал төгсчээ. Ийнхүү 70 насандаа хорвоог орхисон Чо Ян Хо нь хоёр долоо хоногийн өмнө “Ханжин” группийн ТУЗ-ийн гишүүнээс чөлөөлөгдөөд байсан юм.
Сүүлийн жилүүдэд “Korean Air” компани Чо Ян Хогийн гэр бүлийн гишүүдийг тойрсон дуулиан шуугианы бай болоод байсан юм. Тухайлбал, өнгөрсөн жил Чо Ян Хог хөрөнгө мөнгө шамшигдуулсан, эхнэр нь компанийн ажилчдаа зодсон, охид нь ёс бус үйлдэл гаргасан гээд хэл ам дагуулсан дуулиан тариад байсан нь түүнийг огцроход хүргэсэн гэж болно.