Колумын Засгийн газар өчигдөр “Фарк”
бүлэглэлтэй энхийн хэлэлцээр байгуулж, 52 жил үргэлжилсэн дайныг зогсоохоор
тохиролцсон талаар “www.dailymail.co.uk” мэдээллээ.
“Фарк” бүлэглэлийн тэргүүн Тимолеон Именес
“Бид сөргөлдөөнийг зогсоохыг хүсч байна. Бид хэтэрхий удаан сөргөлдлөө. Би ард
түмнээсээ албан ёсоор уучлалт гуйж байна. Та бүхний сэтгэлд хар толбо бий
болсон гэдгийг мэдэж байгаа. Бид гэрээгээ хэзээ ч зөрчихгүй” гэж мэдэгджээ.
НҮБ-ын ерөнхий нарийн бичгийн дарга Бан Ги
Мүн “Та бүхэн ард түмнийхээ өмнө хүлээсэн үүргээ амжилттай гүйцэтгэлээ. Өнөөдөр
байгуулсан гэрээ олон зуун жил хүчин төгөлдөр хэрэгжээсэй хэмээн хүсч байна”
гэж хэлсэн байна.
Энхийн хэлэлцээрийг байгуулах үеэр НҮБ
болон Латин Америкийн орнуудын удирдлагууд оролцсон аж. Хоёр тал өнгөрсөн
долоодугаар сард байгуулсан гэрээгээр “Фарк” бүлэглэлийнхэн галт зэвсгээсээ
татгалзсан билээ.
Хагас зуун жил үргэлжилсэн дайны үеэр 260
мянган хүн амиа алдаж, 6.2 сая хүн эх орноосоо дүрвэжээ.