Монгол Улс, БНХАУ-ын хилийн боомтууд дээрх худалдаа, тээврийн үйл ажиллагааг хялбаршуулах үүднээс “Ногоон гарц” түр журмыг хэрэгжүүлж буй.
Түр журмын хүрээнд Гашуунсухайт-Ганцмод боомтоор нүүрс тээвэрлэж буй монгол жолооч нарын хоноглох зочид буудлын үнийг хямдруулах, нөхцөлийг сайжруулах хүсэлтийг ГХЯ-наас тавьсныг харгалзан хятадын тал зочид буудлын үнээ 270 юань байсныг 180 юань болгон хямдруулахаар шийдвэрлэсэн байна. Хямдруулсан үнийг энэ сарын 20-ны өдрөөс эхлэн мөрдөж эхэлжээ.